बिछिया तऽ दिहलें बाबू - दीपक शर्मा दीप

दीपक शर्मा दीपदीपक शर्मा दीप13 Sept 1989

4 min read · 12.4K reads

बिछिया तऽ दिहलें बाबू कँगना तऽ दिहलीं माई
बिछिया तऽ दिहलें बाबू कँगना तऽ दिहलीं माई
छोड़ि लिहलें हमसे अँगनवा हो
मोरऽ माटी के अँगनवा I
बिछिया तऽ दिहलें बाबू कँगना तऽ दिहलीं माई...

सखिया-सहेलिया निबिया
पुतरी-मटकऊती बिबिया
गोड़वा रँगावे वाली,
छोटी-सी बचही-डिबिया
कहँवा पठयिलें मोर चयनवाँ हो
हो रामा होत बिहनवाँ I
बिछिया तऽ दिहलें बाबू कँगना तऽ दिहलीं माई...

दऊऽड़त रहलिं दुपहर
अमवा बगिचवन में हो
खेलऽत रहलिं दिनभर
छोटका लरिकवन में हो
काट खईलें मोर बचपनवा हो
हो रामा घर के सयनवाँ I
बिछिया तऽ दिहलें बाबू कँगना तऽ दिहलीं माई...

बिछिया तऽ दिहलें बाबू कँगना तऽ दिहलीं माई
छोड़ि लिहलें हमसे अँगनवा हो
मोरऽ माटी के अँगनवा I
बिछिया तऽ दिहलें बाबू कँगना तऽ दिहलीं माई...
दीपक शर्मा दीप
About the poet

दीपक शर्मा दीप

View profile & all 102 Poems / Stories

More Poetry & Stories You May Like