तालन पै ताल पै तमालन पै मालन पै(ऋतु वर्णन) - पद्माकर

पद्माकरपद्माकर

2 min read · 12.4K reads

तालन पै ताल पै तमालन पै मालन पै,
बृन्दावन बीथिन बहार बंसीबट पै.
कहै ‘पदमाकर’ अखंड रस मंडप पै,
मंडित उमंडी महा कालिंदी के तट पै.
छिति पर छान पर छाजत छतान पर,
ललित लतान पर लाडिली के लट पै.
आई भली छाई यह सरद-जुन्हाई, जिहि ,
पाई छबि आजु ही कन्हाई के मुकुट पै.
पद्माकर
About the poet

पद्माकर

View profile & all 48 Poems / Stories

More Poetry & Stories You May Like