गवनवाँ नाही जाब माई - दीपक शर्मा दीप

दीपक शर्मा दीपदीपक शर्मा दीप13 Sept 1989

4 min read · 12.4K reads

गवनवाँ नाही जाब माई! तजि के दुअरिया
गवनवाँ नाही जाब माई! तजि के दुअरिया

सुग्घऽर-सुग्घऽर, माऽटी के खेलऽवना
रतिया चलावें मिलि पवना - दुपऽवना
नीक लागे मोहे इहै फटहा बिछऽवना
निबिया की डाऽरि के पटरा-झुलऽवना
निबिया की डाऽरि के पटरा-झुलऽवना
अँगनवाँ! आव भरि लेईं तोहें अँकऽवरिया
गवनवाँ नाही जाब माई तजि के दुअरिया।

सासु - ससुर तोहें ठेंगा, भतार हो
डोली मोरी रख देईं भईया कहार हो
हार-सिंगार रखा आपन...सोनार हो
घरवा न छूऽटी कभौ घरवा हमार हो
घरवा न छूऽटी कभौ घरवा हमार हो
ए री सखी आवा चलीं खेत की डगऽरिया...
गवनवाँ नाही जाब माई तजि के दुअरिया।

गवनवाँ नाही जाब माई! तजि के दुअरिया
गवनवाँ नाही जाब माई तजि के दुअरिया।
दीपक शर्मा दीप
About the poet

दीपक शर्मा दीप

View profile & all 102 Poems / Stories

More Poetry & Stories You May Like