सूखि गवा है सावन दउआ - भारतेन्दु मिश्र

भारतेन्दु मिश्रभारतेन्दु मिश्र5 Sept 1959

3 min read · 12.4K reads

सूखि गवा है सावन दउआ
फिरि
बरखा के दिन आये हैं,
आँखिन माँ सैलाब भरा है
पाहुन
जस दुरदिन आये हैं।

जरै जेठु सावन-भादौं मा
छिपै पेटु-पीठी आँतन मा
खुसबू माटी केरि न महकी
कस
बरखा के दिन आये हैं।

सपनु हुइ गये ताल-तलैया
झाँखर हुइ गे दादा भैया
नेहु सूखिगा सब आँखिन का
अस
बरखा के दिन आये हैं।

फिल्मी रागु सुनावै भैया
पहर-पहर गरियावै मैया
जस कजरी मल्हार सब गावैं
तस
बरखा के दिन आये हैं।
भारतेन्दु मिश्र
About the poet

भारतेन्दु मिश्र

View profile & all 38 Poems / Stories

More Poetry & Stories You May Like