कबहूँ तौ घाम कड़ा है - भारतेन्दु मिश्र

भारतेन्दु मिश्रभारतेन्दु मिश्र5 Sept 1959

2 min read · 12.4K reads

कबहूँ तौ घाम कड़ा है
कबहूँ बीता भरि छाँही
हम तौ सुखान बिरवा हन
अब सुख की चिरई नाँही।

अबकी असाढु जो सूखी
तौ हरहा भूखे मरिहैं
नेता कोरे कगदन पर
नहरी दुइ चारि बनइहैं
ददुआ अब बड़े-बड़ेन पर
है नाटेन कै परछाँही।

जुगु बदलि गवा है कक्कू
सब अपनै रागु अलापैं
कामे काजे मा अब तौ
मेहरी मरदन सँग नाचैं
परिगै है भाँग कुँआ मा
सब झूमैं दै गरबाँही।
भारतेन्दु मिश्र
About the poet

भारतेन्दु मिश्र

View profile & all 38 Poems / Stories