तीनि-पाँच बइमानी कइकै
भे बड़कउनू भैया
लोटिया जिनकी बूड़ि रहै
अब पइरै उनकी नैया।
बी.डी.ओ., परधान, प्रमुख जी
का तक ई समुझावैं
खुसुर-पुसुर तय करैं कमीसन
क्लरकन का पलझावैं
लासा रोज लगावैं फाँसैं
नित-नित नयी चिरैया।
बातन मा देखाति हैं
जैसन सरवन के अवतार
मन से जेबै कतरै खातिर
हरदम बैठ तयार
ऊपर ते ममाखि का छत्ता
भीतर भरे बरैया।
भे बड़कउनू भैया
लोटिया जिनकी बूड़ि रहै
अब पइरै उनकी नैया।
बी.डी.ओ., परधान, प्रमुख जी
का तक ई समुझावैं
खुसुर-पुसुर तय करैं कमीसन
क्लरकन का पलझावैं
लासा रोज लगावैं फाँसैं
नित-नित नयी चिरैया।
बातन मा देखाति हैं
जैसन सरवन के अवतार
मन से जेबै कतरै खातिर
हरदम बैठ तयार
ऊपर ते ममाखि का छत्ता
भीतर भरे बरैया।








