मेरो मन हरिजू! हठ न तजै।
निसिदिन नाथ देउँ सिख बहु बिधि, करत सुभाउ निजै॥१॥
ज्यों जुबती अनुभवति प्रसव अति दारुन दुख उपजै।
ह्वै अनुकूल बिसारि सूल सठ, पुनि खल पतिहिं भजै॥२॥
लोलुप भ्रमत गृहपसु-ज्यों जहॅं-तहॅं सिर पदत्रान बजै।
तदपि अधम बिचरत तेहि मारग, कबहुँ न मूढ़ लजै॥३॥
हौं रारयौ करि जतन बिबिध बिधि, अतिसै प्रबल अजै।
तुलसिदास बस होइ तबहिं जब प्रेरक प्रभु बरजै॥४॥
Tulsidas (1497–1623), also known as Goswami Tulsidas, was a Ramanandi Vaishnava saint and poet, renowned for his devotion to the deity Rama. He wrote several popular works in Sanskrit and Awadhi, but is best known as the author of the epic Ramcharitmanas, a r…
View profile & all 26 Poems / Storiesकेशव , कहि न जाइ का कहिये ।देखत तव रचना विचित्र अति ,समुझि मनहिमन रहिये ।
सुन मन मूढ सिखावन मेरो।हरिपद विमुख लह्यो न काहू सुख,सठ समुझ सबेरो॥
हरि! तुम बहुत अनुग्रह किन्हों।साधन-नाम बिबुध दुरलभ तनु, मोहि कृपा करि दीन्हों॥१॥
लाज न आवत दास कहावत।सो आचरन-बिसारि सोच तजि जो हरि तुम कहँ भावत॥१॥
मैं केहि कहौ बिपति अति भारी। श्रीरघुबीर धीर हितकारी॥मम ह्रदय भवन प्रभु तोरा। तहँ बसे आइ बहु चोरा॥
