बैरी बियोग की हूकनि - घनानंद

घनानंदघनानंद

2 min read · 12.4K reads

कारी कूर कोकिल कहाँ को बैर काढ़ति री,
                   कूकि कूकि अबही करेजो किन कोरि रै.
पेंड़ परै पापी ये कलापी निसि द्यौस ज्यों ही,
                   चातक रे घातक ह्वै तुहू कान फोरि लै.
आँनंद के घन प्रान जीवन सुजान बिना,
                   जानि कै अकेली सब घरोदल जोरि लै.
जौं लौं करै आवन बिनोद बरसावन वे,
                   तौ लौं रे डरारे बजमारे घन घोरि लै.
घनानंद
About the poet

घनानंद

View profile & all 121 Poems / Stories

More Poetry & Stories You May Like