वहै मुसक्यानि, वहै मृदु बतरानि, वहै - घनानंद

घनानंदघनानंद

2 min read · 12.4K reads

वहै मुसक्यानि, वहै मृदु बतरानि, वहै
लड़कीली बानि आनि उर मैं अरति है।
वहै गति लैन औ बजावनि ललित बैन,
वहै हँसि दैन, हियरा तें न टरति है।
वहै चतुराई सों चिताई चाहिबे की छबि,
वहै छैलताई न छिनक बिसरति है।
आनँदनिधान प्रानप्रीतम सुजानजू की,
सुधि सब भाँतिन सों बेसुधि करति है।।
घनानंद
About the poet

घनानंद

View profile & all 121 Poems / Stories