दुलारे लाल भार्गव

नैन-आतसी काँच परि, छवि-रवि-कर अवदात।झुलसायौ उर-कागदहिं, उड्यो साँस-संग जात।।51।।

राखत दूरी दूरि ही, सखि प्रेमिन कौ प्यार।नित तिनके मन कुसुम में, बसति बसंत बहार।।71।।

लंक लचाइ नचाइ दृग, पग-उँचाइ भरि चाइ।सिर धरि गागरि मगन मग, नागरि नाचति जाइ।।31।।

छुट्यो राज रानी बिकी, सहत डोम-गृह दन्द।मृत सुख छू लखि प्रियहिं तें, कर माँगत हरिचन्द।।81।।

सुमिरौं वा बिघनेस कौ, जोति सदन मुख-सोम।जासु दरन-दुति-किरन इक, हरति बिघन तम-नोम।।1।।

कब तें मन भाजन लएँ, खरौ तिहारे द्वार।दरसन दुति कन दै हरौ, मति तम-तोम अपार।।21।।