दीनदयाल गिरि

देखो कपटी दम्भ को, कैसो बाको काम ।बेचनिहारो बेर को देत दिखाय बदाम ।।

बानी कटु सुनि कोप की छमा गहो न गलानि ।कहा हानि मृगराज की भूकत जौ लषि स्वान ।।

कासों हनिये कोप को कापैं पैये ज्ञान ।गुरु मौन मैं नहिं कैया छिति छ्‍वैके धरि कान ।।

करनी जम्बुक जून ज्यों गरजन सिंह समान ।क्यों न डरै जग लखि तुमै अहो बोर अभिमान ।।

एहो तोख कुलोभ तम को तोलों है बास ।जौलों नहिं रबि रूप तुम प्रगटत हृदै अकास ।।

गुन को गहि यहि खेत में नमैं सुबंसज दोय ।कृसितन जीवन देत हैं पीछे गुरुता होय ।।