राज करैए छांगुर - बुद्धिनाथ मिश्र

बुद्धिनाथ मिश्रबुद्धिनाथ मिश्र1 Sept 1949

3 min read · 12.4K reads

पाँचो आंगुर काज करैए
राज करैए छांगुर
आर कते दिन चलत एना
पूछैए पाँचो आंगुर ।

कर्मक फल कहि-कहि कऽ
दुपहरिया मे डिबिया बारत
आनक कैल-धैल पर
कहिया धरि ई ओठगन पारत
बैसल लोक घोरत कहिया धरि
एना दूध मे माहुर !

देव-पितर द‍ऽ हमरा माथे
ल गेल बखरी अपने
लक्ष्मी औती कोन
अपाटी हाथे माला जपने

बौआ केर पौरुख तिलके धरि
भ जयता पुनि डांगर ।

कहिया धरि हमरे कनहा पर
रहत पुरान क मोटा
एक-एक क बिका रहल अछि
घर सँ थारी-लोटा

भागवत क उपदेश बौक सभ
बाँटय भरि-भरि आँजुर ।

(03 नवम्बर 2007)
बुद्धिनाथ मिश्र
About the poet

बुद्धिनाथ मिश्र

View profile & all 56 Poems / Stories

More Poetry & Stories You May Like