मोहिं लखि सोवत बिथोरिगो सुबेनी बनी - पद्माकर

पद्माकरपद्माकर

2 min read · 12.3K reads

मोहिं लखि सोवत बिथोरिगो सुबेनी बनी,
          तोरिगो हिय को हार,छोरिगो सुगैया को.
कहै पद्माकर त्यों घोरिगो घनेरी दुख,
          बोरिगो बिसासी आज लाज लागत ही की नैया को .
अहित अनैसो एसो कौन उपहास?यातें,
          सोचन खरी मैं परी जोवति जुन्हैया को.
बुझिहैं चवैया तब कैहों कहा,दैया!
          इत परिगो को मैया! मेरी सेज पै कन्हैया को ?
पद्माकर
About the poet

पद्माकर

View profile & all 48 Poems / Stories