चपला चमाकैं चहुँ ओरन ते चाह भरी - पद्माकर

पद्माकरपद्माकर

2 min read · 12.4K reads


चपला चमाकैं चहु ओरन ते चाह भरी
चरजि गई ती फेरि चरजन लागी री ।
कहैं पद्माकर लवंगन की लोनी लता
लरजि गयी ती फेरि लरजन लागी री ।
कैसे धरौ धीर वीर त्रिबिध समीरैं तन
तरजि गयी ती फेरि तरजन लागी री ।
घुमड़ि घमंड घटा घन की घनेरी अबै
गरजि गई ती फेरि गरजन लागी री ।
पद्माकर
About the poet

पद्माकर

View profile & all 48 Poems / Stories