क्यों इन आँखिन सौं निरसंक ह्वै मोहन को तन पानिप पीजै.
नेक निहारे कलंक लगै इहि गाँव बसे कहौ कैसे के जीजे .
होत रहे मन यों ‘मतिराम’ कहूँ बन जाय बरो तप कीजे .
ह्वै बनमाल हिए लगिय अरु ह्वै मुरली अधर- रस पीजे .

मो मन तम-तोमहि हरौ, राधा को मुखचंद।बढ़ै जाहि लखि सिंधु लौं, नँद-नंदन आनन्द।।1।।
झूठे ही ब्रज में लग्यो, मोहिं कलंक गुपाल।सांचे हूँ कबहूँ हिये, लगे न तुम नंदलाल।।11।।
मन दैसुनिए लाल यह, तनक तरुनि की बात।अंसुवा उड़गन गिरत हैं, होन चहत उतपात।।21।।
सखी सलोनी देह में, सजे सिंगार अनेक!कजरारी अँखियानि में, भूल्यो काजर एक।।31।।
तरु ह्वै रह्यो करार कौ, अब करि कहा करार।उर धरि नंदकुमार कौ, चरन कमल सुकुमार।।41।।