चूनरी की बांधि पाग अंग बागो चूनरी को उपरेना कंठ हीरा हार मोती माल॥१॥
स्याम चूरी हरित लहँगा पहरि चूनरि झूमक सारी मानो गनगौर बनी ऐन मेन कीरति बाल ।
कृष्णदास पिय प्यारी अपने कर दरपन लै मुख देखत बार बार हँसि हँसि भरि अंक जाल॥२॥
बैद को बैद गुनी को गुनी ठग को ठग ढूमक को मन भावै ।काग को काग मराल मराल को कान्ध गधा को खजुलावै ।
मो मन गिरिधर छबि पै अटक्यो।ललित त्रिभंग चाल पै चलि कै, चिबुक चारु गडि ठठक्यो॥
देख जिऊँ माई नयन रँगीलो।लै चल सखी री तेरे पायन लागौं, गोबर्धन धर छैल छबीलो॥
तरनि तनया तट आवत है प्रात समय,कंदुक खेलत देख्यो आनंद को कंदवा.
कंचन मनि मरकत रस ओपी।नन्द सुवन के संगम सुखकर अधिक विराजति गोपी।।
