ਜਸਵੰਤ ਸਿੰਘ ਵੰਤਾ

ਜਸਵੰਤ ਸਿੰਘ ਵੰਤਾ (1901/2-1988) ਦਾ ਜਨਮ ਪਿੰਡ ਚੌਂਤਰਾ ਤਹਿਸੀਲ ਪਿੰਡੀ ਘੇਬ ਜ਼ਿਲ੍ਹਾ ਕੈਂਬਲ ਪੁਰ (ਅਟਕ) ਵਿਚ ਹੋਇਆ । ਕੁੱਝ ਅਰਸਾ ਕੈਂਬਲ ਪੁਰ ਵਿਚ ਗੁਜ਼ਾਰਨ ਤੋਂ ਬਾਦ ਉਹ ਰਾਵਲਪਿੰਡੀ ਚਲੇ ਗਏ । ਜਸਵੰਤ ਸਿੰਘ ਵੰਤਾ ਨੇ ਕਾਂਗਰਸ ਤੇ ਖ਼ਿਲਾਫ਼ਤ ਦੀਆਂ ਤਹਿਰੀਕਾਂ ਤੋਂ ਮੁਤਾਸਿਰ ਹੋ ਕੇ ਕੌਮੀ ਤੇ ਮਿਲੀ ਨਜ਼ਮਾਂ ਲਿਖੀਆਂ ਜਿਸ ਕਰਕੇ ਕੁੱਝ ਅਰਸਾ ਉਨ੍ਹਾਂ ਨੂੰ ਜੇਲ੍ਹ ਵਿੱਚ ਵੀ ਰਹਿਣਾ ਪਿਆ । ਵੰਡ ਤੋਂ ਬਾਦ ਪਟਿਆਲਾ ਆ ਗਏ । ਸਤੰਬਰ ੧੯੮੭ ਨੂੰ ਪੰਜਾਬੀ ਯੂਨੀਵਰਸਿਟੀ ਪਟਿਆਲਾ ਵਿਚ ਹੋਣ ਵਾਲੀ ਆਲਮੀ ਪੰਜਾਬੀ ਅਦਬੀ ਕਾਨਫ਼ਰੰਸ ਚ ਸ਼ਿਰਕਤ ਕੀਤੀ ।੧੯੪੭ ਦੀ ਹਿਜਰਤ ਨੇ ਉਨ੍ਹਾਂ ਦੀ ਸ਼ਾਇਰੀ ਤੇ ਡੂੰਘਾ ਅਸਰ ਪਾਇਆ । ਉਨ੍ਹਾਂ ਦੀਆਂ ਕਵਿਤਾ ਦੀਆਂ ਕਿਤਾਬਾਂ ਗੁਲਦਸਤਾ (1923), ਜ਼ਿੰਦਗੀ ਦਾ ਮੋੜ (1929), ਬੱਦਲੀ (1929), ਪਤਝੜ ਦੇ ਫੁੱਲ' (1957), ਕੌਂਕਣ ਬੇਰ (1971), ਵਗਵਗ ਵੇ ਸਵਾਂ ਦੇ ਪਾਣੀਆਂ (1976) ਹਨ ।