भूले भूले भौंर बन भाँवरे भरैंगे चहूँ - द्विज

द्विजद्विज30 Sept 1820

2 min read · 12.4K reads

भूले भूले भौंर बन भाँवरे भरैंगे चहुँ,
                  फूलि फूलि किंसुक जके से रही जायहैं.
द्विजदेव की सौं वह कूजन बिसारि कूर,
                  कोकिल कलंकी ठौर ठौर पछितायहैं.
आवत बसंत के न ऐहैं जो पै स्याम तौ पै,
                  बावरी ! बलाय सों,हमारेऊ उपायहैं.
पीहैं पहिलेई तें हलाहल मँगाय या,
                  कलानिधि की एकौ कला चलन न पायहैं.
द्विज
About the poet

द्विज

View profile & all 20 Poems / Stories