बोधा

लोक की लाज औ सोच प्रलोक को, वारिये प्रीति के ऊपर दोऊ।गाँव को गेह को देह को नातो, सनेह मैं हाँ तो करै पुनि सोऊ ॥

अति छीन मृनाल के तारहु ते, तेहि ऊपर पाँव दै आवनो है।सुई बेह ते द्वार सकीन तहाँ, परतीति को हाँड़ो दावनो है॥

कबहूँ मिलिबो, कबहूँ मिलिबो, यह धीरज ही मैं धरैबो करै।उर ते कढ़ि आवै गरै तें फिरै, मन की मनहीं मैं सिरैबो करै॥

कूर मिले मगरूर मिले, रनसूर मिले धरे सूर प्रभा को।ज्ञानी मिले औ गुमानी मिले, सनमानी मिले छबिदार पता को॥

काँपत गात सकात बतात है साँकरी खोरि निशा अँधियारी ।पातहू के खरके छरकै धरकै उर लाय रहै सुकुमारी ।

कहिबे को ब्यथा सुनिबे को हँसी, को दया सुनि कै उर आनतु है।अरु पीर घटै तजि धीर सखी, दु:ख को नहीं का पै बखानतु है॥