गरीबोॅ घरोॅ में लेलौं जनम - अनिरुद्ध प्रसाद विमल

अनिरुद्ध प्रसाद विमलअनिरुद्ध प्रसाद विमल20 Sept 1950

3 min read · 12.4K reads

गरीबोॅ घरोॅ में लेलौं जनम गरीबिये में हम्में पललौं
माई हे गरीबे घरो में होलोॅ ब्याह जनम बेरथ भेलो

दिन भरी कुटौनी पिसौनी करौं तैहियो नै पेट भरी अन्न
माई हे सभ्भे दिन जल के फलार जनम बेरथ भेलोॅ

डयोढ़ी पर जाय छी आरो पहर रात वादे आबै छी
माई हे ओकरो में कोवो भरी अन्न जनम बेरथ भेलोॅ

बाबू जी के डयोढ़ी पर भोज भात हमरोॅ ऐँगनमा में हे
साई हे छोटोॅ छोटोॅ बुतरू बिलखै छै जनम बेरथ भेलोॅ

काँही पर धुपे धूप खाली काँही तेॅ छाया ही छाया
माई हे विधि के विधान की देखोॅ जनम बेरथ भेलोॅ
अनिरुद्ध प्रसाद विमल
About the poet

अनिरुद्ध प्रसाद विमल

View profile & all 22 Poems / Stories

More Poetry & Stories You May Like