જ્યારથી એ જણ કશાની શોધમાં છે,
ત્યારથી આખું જગત વિરોધમાં છે.
ચાહું છું એને વધારે તીવ્રતાથી,
વ્યક્તિ જે જે મારી પ્રત્યે ક્રોધમાં છે.
માનવી ને પહાડ વચ્ચે ફેર શો છે?
એક આંસુમાં છે, બીજો ધોધમાં છે.
હોય છે માણસ પ્રમાણે સત્ય નોખાં,
મારું એ મારી કથાના બોધમાં છે.
કૂંપળો તો છેવટે ઊગી જ જાશે,
સેંકડો પથ્થર ભલે અવરોધમાં છે.
Anil Chavda is a Gujarati language poet, writer and columnist from Gujarat, India. Some of his works include Savaar Laine, a collection of ghazals, which won him the 2014 Yuva Puraskar literary award, instituted by the Sahitya Akademi in Delhi.
View profile & all 11 Poems / Storiesદીકરા સાથે રહેવા મા હૃદયમાં હર્ષ રાખે છે.દીકરો બીમાર મા માટે અલગથી નર્સ રાખે છે.
સંપ માટીએ કર્યો તો ઈંટ થઈ,ઈંટનું ટોળું મળ્યું તો ભીંત થઈ.
શ્વાસ નામની સિમેન્ટ લઇને જીવન ચણવા બેઠાઅમે રાતનું સૂપડૂં લઇ અંધાર ઊપણવા બેઠા
કાયમી પીડા મને તેં સાંખવાનું કામ સોપ્યું,આગ કાગળના પડીકે બાંધવાનું કામ સોંપ્યું.
અધીરો છે તને ઈશ્વર બધુંયે આપવા માટે,તું ચમચી લઈને ઊભો છે દરિયા માગવા માટે ?
