સંપ માટીએ કર્યો તો ઈંટ થઈ,
ઈંટનું ટોળું મળ્યું તો ભીંત થઈ.
કાન તો કાપી લીધા’તા ભીંતના,
તો પછી આ વાત ક્યાંથી લીક થઈ?
હું કળી માફક જરા ઊઘડી ગયો,
એટલામાં પણ તને તકલીફ થઈ?
આંસુનો સર્વે કર્યો તો જાણ્યું કે-
આંખમાં વસ્તી વધારે ગીચ થઈ.
કેટલું સારું છે ઊડતા પંખીને,
કોઈ ચિંતા નહિ કઈ તારીખ થઈ?
સંપ
About the poet
Anil Chavda
Anil Chavda is a Gujarati language poet, writer and columnist from Gujarat, India. Some of his works include Savaar Laine, a collection of ghazals, which won him the 2014 Yuva Puraskar literary award, instituted by the Sahitya Akademi in Delhi.
View profile & all 11 Poems / StoriesMore from Anil Chavda
દીકરા સાથે
દીકરા સાથે રહેવા મા હૃદયમાં હર્ષ રાખે છે.દીકરો બીમાર મા માટે અલગથી નર્સ રાખે છે.
શ્વાસ નામની
શ્વાસ નામની સિમેન્ટ લઇને જીવન ચણવા બેઠાઅમે રાતનું સૂપડૂં લઇ અંધાર ઊપણવા બેઠા
કાયમી
કાયમી પીડા મને તેં સાંખવાનું કામ સોપ્યું,આગ કાગળના પડીકે બાંધવાનું કામ સોંપ્યું.
અધીરો
અધીરો છે તને ઈશ્વર બધુંયે આપવા માટે,તું ચમચી લઈને ઊભો છે દરિયા માગવા માટે ?
જો કહું
જો કહું તો માત્ર પટપટ થઈ રહેલી પાંપણો છીએ વધારે કૈં નથી,ને સમયના દાંત ચોખ્ખા રાખવાના દાંતણો છીએ વધારે કૈં નથી.
