ਅਜ ਦੀ ਰਾਤ ਅਖ਼ੀਰ's image
0114

ਅਜ ਦੀ ਰਾਤ ਅਖ਼ੀਰ

ShareBookmarks


ਅਜ ਦੀ ਰਾਤ ਅਖ਼ੀਰ, ਵੇ ਰਾਂਝਣ !
ਕਿਸਾ ਬਣ ਜਾਊ ਹੀਰ

ਢਾਵਾਂ ਮਾਰਨਗੇ ਹੁਣ ਬੇਲੇ
ਖੇਹ ਉਡਾਵਣਗੇ ਉਹ ਵੇਲੇ
ਜਿਨ੍ਹਾਂ ਦੀ ਉਹਲੇ ਇਕਮਿਕ ਹੋਈ
ਮੇਰੀ ਤੇਰੀ ਤਕਦੀਰ, ਵੇ ਰਾਂਝਣ !
ਅਜ ਦੀ ਰਾਤ ਅਖ਼ੀਰ

ਜਾਂਦੀਆਂ ਘੜੀਆਂ ਡੰਗਦੀਆਂ ਜਾਵਣ
ਆਉਂਦੀਆਂ ਘੜੀਆਂ ਉਡਦੀਆਂ ਆਵਣ
ਜਾਂਦੀਆਂ ਆਉਂਦੀਆਂ ਘੜੀਆਂ ਮਿਲ ਕੇ
ਡੰਗ ਘੱਤੀ ਤਦਬੀਰ, ਵੇ ਰਾਂਝਣ !
ਅਜ ਦੀ ਰਾਤ ਅਖ਼ੀਰ

ਆਖ਼ਰੀ ਵਾਰ ਦਰਦ ਵੰਡਾ ਲੈ
ਹੀਰ ਦੇ ਪਿਆਰ ਨੂੰ ਹਿੱਕ ਨਾਲ ਲਾ ਲੈ
ਦਿਨ ਚੜ੍ਹਦੇ ਤਾਈਂ ਖਿਲਰ ਜਾਸੀ
ਸਾਹਵਾਂ ਦੀ ਜ਼ੰਜੀਰ, ਵੇ ਰਾਂਝਣ !
ਅਜ ਦੀ ਰਾਤ ਅਖ਼ੀਰ

Read More! Learn More!

Sootradhar