ગમ્યું એ બધું મૃગજળ થઈને ચાલ્યું આઘે,
શેષ હતું એ વાદળ થઈને ચાલ્યું આઘે.
આંખો લખતી રહી રાતભર કહેવું’તું જે,
સૂરજ ઊગતાં ઝાકળ થઈને ચાલ્યું આઘે.
સાવ અચાનક કયા વળાંકે ? ખબર પડી આ,
આયુષ આખું પળપળ થઈને ચાલ્યું આઘે.
અઢળક તારાઓ મ્હારામાં ઝબકી ઊઠ્યા,
કોણ દિવસભર ઝળહળ થઈને ચાલ્યું આઘે ?
કેટકેટલું મથે ? દેહ પાછળ ને પાછળ,
મન હંમેશાં આગળ થઈને ચાલ્યું આઘે.
પથ્થરનો અવતાર મળ્યો આ જન્મે મિસ્કીન,
શું ય હશે જે ખળખળ થઈને ચાલ્યું આઘે.
Rajesh Vyas, better known by his pen name Miskin, is a Gujarati poet from India. Born and brought up in Ahmedabad, he completed his doctorate in Gujarati literature. He writes ghazal poetry and columns in various publications.
View profile & all 6 Poems / Storiesજો દોસ્ત તળેટીનું જીવન કેવું ફળે છેકે સઘળાં શિખર જાણે અહીં પગની તળે છે
યાદમાં મળીએ પળેપળ ક્યાંક તું ને ક્યાંક હુંકાપીએ ચૂપચાપ અંજળ ક્યાંક તું ને ક્યાંક હું
પાર કરવાનો છે તોફાની મહાસાગર હવે,ને બચ્યા છે શ્વાસમાં કેવળ અઢી અક્ષર હવે
પ્હોંચવું ગયું છૂટી પંથને ઉજાળું છું,દેહની આ દીવીમાં આમ જાત બાળું છું.
સુખ ને દુ:ખના વર્તુળોની બહાર થઈ ગયો,દરિયો થઈ ગયો હું, સ્વયમ પાર થઈ ગયો.
