ਪ੍ਰਕਾਸ਼ ਸਾਥੀ

ਪ੍ਰਕਾਸ਼ ਸਾਥੀ ਦਾ ਜਨਮ (੫ ਮਾਰਚ ੧੯੨੮-) ਨੂੰ ਪਿੰਡ ਨੰਦ, ਜ਼ਿਲ੍ਹਾ ਸ਼ੇਖੂਪੁਰਾ ਵਿਚ ਹੋਇਆ । ਉਨ੍ਹਾਂ ਦਾ ਅਸਲੀ ਨਾਂ ਓਮ ਪ੍ਰਕਾਸ਼ ਪ੍ਰਭਾਕਰ ਸੀ । ਉਨ੍ਹਾਂ ਕੋਲ ਲੋਕ ਮੂੰਹ ਤੇ ਚੜ੍ਹ ਜਾਣ ਵਾਲੀ ਵਿਲੱਖਣ ਸ਼ੈਲੀ ਸੀ। ਉਨ੍ਹਾਂ ਨੇ ਕਈ ਪੰਜਾਬੀ ਤੇ ਹਿੰਦੀ ਫ਼ਿਲਮਾ ਦੇ ਗੀਤ ਲਿਖੇ । ਰੰਗ ਮੰਚ ਤੇ ਉਹਨਾਂ ਦੇ ਨਾਟਕਾਂ ਨੇ ਨਾਟਕ ਕਲਾ ਨੂੰ ਇਕ ਨਵਾਂ ਮੋੜ ਦਿਤਾ, ਕਈ ਹਿੰਦੀ-ਪੰਜਾਬੀ ਨਾਟਕਾਂ ਦੇ ਗੋਲਡਨ ਜੁਬਲੀ ਸ਼ੋ ਹੋਏ । ਉਹਨਾਂ ਨੂੰ ੧੯੭੯ ਵਿਚ "ਬੇਹਤਰੀਨ ਨਾਟਕਕਾਰ" ਲਈ ਸ਼ੋਭਨਾ ਐਵਾਰਡ, ੧੯੮੦ ਵਿਚ ਭੋਮਿਕਾ ਐਵਾਰਡ, ੧੯੮੧ ਵਿਚ ਘਈ ਐਵਾਰਡ, ੧੯੮੨ ਵਿਚ "ਬੇਹਤਰੀਨ ਪੰਜਾਬੀ ਕਵੀ" ਲਈ ਪੀ.ਸੀ.ਐਸ. ਐਵਾਰਡ ਤੇ ੧੯੮੩ ਵਿਚ "ਬੇਹਤਰੀਨ ਗੀਤ ਲੇਖਕ" ਲਈ ਕਲਾ ਸੰਗਮ ਐਵਾਰਡ ਨਾਲ ਸਨਾਮਨਤ ਕੀਤਾ ਗਿਆ । ਉਨ੍ਹਾਂ ਦੀਆਂ ਕਾਵਿ-ਪੁਸਤਕਾਂ ਹਨ : ਯਾਦਾਂ ਜਾਗ ਪਈਆਂ, ਅਣਵਿੱਧੇ ਮੋਤੀ, ਖੁਸ਼ੀ ਦੇ ਹੰਝੂ, ਪਿਆਸੇ ਜਾਮ, ਸਦਕੇ ਤੇਰੇ ਹਾਸੇ ਤੋਂ, ਦਰਪਣ ਦਿਲ ਦਾ, ਰੁਲਦੇ ਮੋਤੀ ।