माटिक गाड़ी - पंकज पराशर

पंकज पराशरपंकज पराशर3 Sept 1976

2 min read · 12.4K reads

दिवारी थानक मेला मे
हम कीनैत रही
माटिक गाड़ी
माटिक जाँत

साओन मासक पूर्णिमा मे
मोन पड़ैत रहैत अछि
दिवारी थानक मेला मे हेरायल वस्तु
हेरायल-भुतियाएल लोक

कतेक बरख सँ
उसरल अछि दिवारी थान
कतय भेटत आब
माटिक गाड़ी
माटिक जाँत

आइ फेर
मोन पड़ैत रहल बेर-बेर
मृच्छकटिकम पढ़ैत
माटिक गाड़ी
माटिक जाँत
पंकज पराशर
About the poet

पंकज पराशर

View profile & all 15 Poems / Stories