भोर - निलय उपाध्याय

निलय उपाध्यायनिलय उपाध्याय28 Sept 1963

2 min read · 12.4K reads

सरग के पार नदी में
छप-छप
नहातिया एगो मेहरारू

सोना के थरिया में अछत-दूब लेके
पुरइन के पतई प खाड़ होई
खाड़ होई
महावर से रचल पाँव

घूघ हटाई आ राँभे लागी गाय
घूघ हटाई
आ नाद प दउर जइहें बैल

झाड़ू उठाई
झक-झक साफ करी घर
चूड़ी बजाई... जगाई -
उठऽहो
जाय के बा तहरा
पहाड़ के ओह पार...
निलय उपाध्याय
About the poet

निलय उपाध्याय

View profile & all 28 Poems / Stories