कहाँ रहे अब बे दिन, बे बातें और बैसी मस्ती यार ।
घर सों निकसे स्कूल की ताईं और पहुँच गये पल्लीपार॥
हाय रे बे किरकेट के दिन और कैसी-कैसी बदमासी।
जैसें-इ अपनी चाल भई, मैदान सूँ भाज गये सरदार ॥
जाड़ेन में स्कूल न जानौ परै जा ताईं मत पूछौ ।
मरे भए पुरखा फिर सूँ परलोक सिधारे कितनी बार॥
रुपैया जितने पॉण्ड चुकाये जाएँ तौ ऊ मिल न सकै ।
दादी नें अपने हाथन सूँ खबायौ जो नींबू कौ अचार ॥
बटला बारी दार, कढ़इया बारे झोर के जुग बीते।
बूरे बारी खीर-उ कितने लोग जिमामें पत्तर डार ?
एक बिलिस्त के कुल्ला में लस्सी पीबे की याद आई।
और गुलाबी दूध कढाउ कौ पीनौ रोज मलाई मार॥
ब्याउ-बरात-जनेउ-जुनार सबन की रीत बिगार दईं ।
जितने छोटे बस्त्र भए उन सूँ जादा ओछे ब्यौहार॥
घर सों निकसे स्कूल की ताईं और पहुँच गये पल्लीपार॥
हाय रे बे किरकेट के दिन और कैसी-कैसी बदमासी।
जैसें-इ अपनी चाल भई, मैदान सूँ भाज गये सरदार ॥
जाड़ेन में स्कूल न जानौ परै जा ताईं मत पूछौ ।
मरे भए पुरखा फिर सूँ परलोक सिधारे कितनी बार॥
रुपैया जितने पॉण्ड चुकाये जाएँ तौ ऊ मिल न सकै ।
दादी नें अपने हाथन सूँ खबायौ जो नींबू कौ अचार ॥
बटला बारी दार, कढ़इया बारे झोर के जुग बीते।
बूरे बारी खीर-उ कितने लोग जिमामें पत्तर डार ?
एक बिलिस्त के कुल्ला में लस्सी पीबे की याद आई।
और गुलाबी दूध कढाउ कौ पीनौ रोज मलाई मार॥
ब्याउ-बरात-जनेउ-जुनार सबन की रीत बिगार दईं ।
जितने छोटे बस्त्र भए उन सूँ जादा ओछे ब्यौहार॥
