હોઠ મલકે તો મોટી મહેરબાની
સાજન, થોડો મીઠો લાગે;
તારી સંગાથે પ્રેમનો અજાણ્યો
મુલક ક્યાંક દીઠો લાગે!
સંગાથે હોય ત્યારે અટવાતા ચાલીએ
કે એકલાનો રાહ એકધારો,
મઝધારે મ્હાલવાનો મોકો મળ્યો, તો
ભલે આઘો ઠેલાય આ કિનારો!
મધમીઠો નેહ તારો માણું
સંસાર આ અજીઠો લાગે.
રાત આખી સૂતો ક્યાં સૂરજ, સવારે
એની આંખમાં ઉજાગરાની લાલી.
લથડીને ચાલતી આ ચંચલ હવાનો હાથ
ઊઘડેલા ફૂલે લીધો ઝાલી;
તારી આંખના ઉજાગરાનો
છલકાતો રંગ જો મજીઠો લાગે!
–
Harindra J Dave was a Gujarati poet, journalist, playwright and novelist of the post-independence Gujarati literature.
View profile & all 8 Poems / Storiesતેં પૂછ્યો તો પ્રેમનો મર્મને હું દઈ બેઠો આલિંગન,
સોળ સજી શણગારગયાં જ્યાં જરીક ઘરની બહાર,
રે મન, ચાલ મહોબ્બત કરીએનદીનાળામાં કોણ મરે, ચલ, ડૂબીએ ઘૂઘવતે દરિયે
કોને ખબર તને હશે એ મારી દશા યાદ ?મુજને તો આ ઘડી સુધી છે તારી સભા યાદ.
પાન લીલું જોયું ને તમે યાદ આવ્યાંજાણે મૌસમનો પહેલો વરસાદ ઝીલ્યો રામ
