ਭੂਸ਼ਨ ਧਿਆਨਪੁਰੀ

ਭੂਸ਼ਨ ਧਿਆਨਪੁਰੀ (2 ਅਪ੍ਰੈਲ 1945-4 ਜੁਲਾਈ 2009) ਪੰਜਾਬੀ ਦੇ ਪ੍ਰਸਿੱਧ ਕਵੀ ਅਤੇ ਲੇਖਕ ਹੋਏ ਹਨ । ਉਨ੍ਹਾਂ ਦਾ ਜਨਮ ਦਾ ਨਾਂ ਬੇਨਤੀ ਸਰੂਪ ਸ਼ਰਮਾ ਸੀ । ਉਨ੍ਹਾਂ ਦਾ ਜਨਮ ਪਿਤਾ ਸ਼੍ਰੀ ਅਮਰਨਾਥ ਸ਼ਾਦਾਬ ਅਤੇ ਮਾਤਾ ਸ਼੍ਰੀਮਤੀ ਰਾਮ ਪਿਆਰੀ ਦੇ ਘਰ ਰਸੀਂਹ ਵਾਲ, ਤਹਿਸੀਲ ਨਾਰੋਵਾਲ ਵਿਖੇ ਹੋਇਆ । ਉਨ੍ਹਾਂ ਦੀ ਪਤਨੀ ਦਾ ਨਾਂ ਸ਼੍ਰੀਮਤੀ ਸੁਰਿੰਦਰ ਕੌਰ ਹੈ। ਉਹ ਦੋ ਸਾਲ ਦੇ ਸਨ ਜਦ ਭਾਰਤ ਦੀ ਵੰਡ ਤੋਂ ਬਾਅਦ ਆਪਣੇ ਮਾਤਾ - ਪਿਤਾ ਨਾਲ ਧਿਆਨਪੁਰ ਆ ਗਏ ਤੇ ਫਿਰ ਸਿਵਲ ਸੈਕਟਰਿਏਟ, ਚੰਡੀਗੜ੍ਹ 'ਚ ਕੁਝ ਚਿਰ ਨੌਕਰੀ ਕਰਨ ਪਿੱਛੋਂ ਸਰਕਾਰੀ ਕਾਲਜ ਰੋਪੜ੍ਹ 'ਚ ਉਹ ਅਧਿਆਪਕ ਵਜੋਂ ਨੌਕਰੀ ਕਰਦੇ ੨੦੦੩ 'ਚ ਰਿਟਾਇਰ ਹੋਏ । ਉਹਨਾਂ ਦੇ ਲੜੀਵਾਰ ਕਾਲਮ ਪੰਜਾਬੀ ਦੇ ਹਰ ਵੱਡੇ ਰਸਾਲੇ ਅਤੇ ਅਖਬਾਰ ਵਿੱਚ ਬੜੀ ਸਫ਼ਲਤਾ ਪੂਰਵਕ ਛਪਦੇ ਰਹੇ ਹਨ । ਉਨ੍ਹਾਂ ਦੀਆਂ ਰਚਨਾਵਾਂ ਹਨ; ਇਕ ਮਸੀਹਾ ਹੋਰ, ਜਾਂਦੀ ਵਾਰ ਦਾ ਸੱਚ, ਸਿਰਜਣਧਾਰਾ, ਮੇਰੀ ਕਿਤਾਬ, ਉਦਾਸ ਸੂਰਜ, ਰਾਈਟਰਜ਼ ਕਾਲੋਨੀ, ਕਿਆ ਨੇੜੇ ਕਿਆ ਦੂਰ (ਵਾਰਤਕ) ।