વિનવું : એટલા દૂર ન જાઓ
કે પછી ક્યારેય યાદ ન આવો…
માનું : અવિરત મળવું અઘરું
માગ્યું કોને મળતું સઘળું?
કગરું, એટલા ક્રૂર ન થાઓ
કે પછી ક્યારેય યાદ ન આવો
જાણ્યું : નવરું એવું ન કોઇ
કેવળ મને જ રહે જે જોઇ;
તો ય લ્યો, આમ નિષ્ઠુર ન થાઓ
કે પછી ક્યારેય યાદ ન આવો
રાહ જોઇ જોઇ ખોઇ આખ્યું
શમણું એક તમ સાચવી રાખ્યું
એટલું એ હરી નૂર ન જાઓ
કે પછી ક્યારેય યાદ ન આવો
આ વેલ તો મેં આંસુથી રોઇ
પણ ફળની આશા ન કોઇ
પણ સમૂળા નિર્મૂળ ના થાઓ
કે પછી ક્યારેય યાદ ના આવો.
Natwarlal Pandya, better known by his pen name, Ushnas, was a Gujarati language poet
View profile & all 23 Poems / Storiesવગર ચાલ્યે જ, શય્યામાં જ જાણે પગ ભાંગ્યા છેવીતેલા લાખ ભવના સામટા કંઇ થાક લાગ્યા છે.
ઓગણીસસો અઠ્ઠાવન;ઉજ્જડ શાન્ત તપોવન;
સદા રાત્રે જ્યાં હું બીડું છું ઘરનાં દ્વાર, થતું કેરહી જાઉં થોડો ખુદ હું ઘરની બ્હાર અચૂકે;
તારું બધું સરસ, તો સરસને જ પી ગયો,સુધા-સુરા, પૂછ્યું ન, કળશને જ પી ગયો;
રજાઓ દિવાળી તણી થઈ પૂરી, ને ઘર મહીંદહાડાઓ કેરી સ્ખલિત થઈ શાંતિ પ્રથમની.
