नागरीदास

देख्यो श्रीवृंदा बिपिन पार बिच बहति महा गंभीर धार .नहिं नाव,नहिं कछु और दाव हे दई !कहा कीजै उपाव.

चरचा करी कैसे जाय।बात जानत कछुक हमसों, कहत जिय थहराय॥

जहाँ कलह तहँ सुख नहीं,कलह सुखन को सूल.सबै कलह इक राज में,राज कलह को मूल.

जौ मेरे तन होते दोय.मैं काहू ते कुछ नहिं कहतो,मोते कछु कहतो नहिं कोय.

भादों की कारी अन्ध्यारी निसा झुकि बादर मंद फुही बरसावै .स्यामा जू आपनी ऊची अटा पै छकी रसरीति मलारहि गावै .

ताननि की ताननि मही, परयौजुमन धुकि धाहिं।पैठयो रव गावत स्त्रवनि, मुख तैं निसरत आहि॥