દૂરદૂરેથી આવતું સૂણું
કોઈનું ધીમું ગીત,
લહરીએ ત્યાં ઊઠતું ઝૂલી
ફૂલ શું મારું ચિત્ત.
દૂરદૂરેથી આવતી સૂંઘું
કોઈ અજાણી મ્હેક,
મનના મારા મોરલા નાચે
ગીતની નાખે ગ્હેક.
દૂરદૂરેથી આવતાં દેખું
ઝાંખાં ઝાંખાં લોક,
બારણાં ખોલી સાદ પાડું હું
આવો ઉરને ચોક.
હાય રે, આવી દૂરની પ્રીતિ
લખી કેમ લલાટ ?
મુખ છુપાવી જાય જે નાસી
ઝૂરવું તેને માટ!
Makarand Dave, sometimes referred as Sai Makarand Dave, is a Gujarati language poet and author from India.
View profile & all 9 Poems / Storiesકોક દિન ઈદ અને કોક દિન રોજાઊછળે ને પડે નીચે જિંદગીનાં મોજાં.
કોણે કીધું ગરીબ છીએ?કોણે કીધું રાંક?
અમે રે સુકૂં રૂનું પૂમડું,તમે અત્તર રંગીલા રસદાર;
મારો અનહદ સાથે નેહ!મુંને મળ્યું ગગનમાં ગેહ.
શું રે થયું છે મને, હું રે શું જાણું?મને વ્હાલું લાગે છે તારું મુખ;
