અમે રે સુકૂં રૂનું પૂમડું,
તમે અત્તર રંગીલા રસદાર;
તરબોળી દ્યોને તારેતારને,
વીંધો અમને વ્હાલા, આરંપાર :
આવો, રે આવો હો જીવણ, આમના.
અમે રે સૂના ઘરનું જાળિયું,
તમે તાતા તેજના અવતાર;
ભેદીને ભીડેલા ભોગળ-આગળા,
ભરો લખ લખ અદીઠા અંબાર :
આવો, રે આવો હો જીવણ, આમના.
અમે રે ઊધઈ-ખાધું ઈંધણું,
તમે ધગધગ ધૂણીના અંગાર;
પડેપડ પ્રજાળો વ્હાલા, વેગથી,
આપો અમને અગનના શણગાર :
આવો, રે આવો હો જીવણ, આમના.
Makarand Dave, sometimes referred as Sai Makarand Dave, is a Gujarati language poet and author from India.
View profile & all 9 Poems / Storiesદૂરદૂરેથી આવતું સૂણુંકોઈનું ધીમું ગીત,
કોક દિન ઈદ અને કોક દિન રોજાઊછળે ને પડે નીચે જિંદગીનાં મોજાં.
કોણે કીધું ગરીબ છીએ?કોણે કીધું રાંક?
મારો અનહદ સાથે નેહ!મુંને મળ્યું ગગનમાં ગેહ.
શું રે થયું છે મને, હું રે શું જાણું?મને વ્હાલું લાગે છે તારું મુખ;
