ગુલાબી આદમી છઈએ, રૂવાબી આદમી છઈએ,
અમે જૂના જમાનાના શરાબી આદમી છઈએ
હલાહલ ઝેર હો અથવા મધુર અંગૂરનો આસવ,
મળે તે માણીએ હાજરજવાબી આદમી છઈએ
અમે ઘેરી નિગાહોની નવાજિશ માણનારાઓ
અમારું મન નવાબી છે, નવાબી આદમી છઈએ
નથી હેવાન, કે તારો કરીએ ના કશો આદર!
ખુશીથી આવ, ઓ ખાનાખરાબી! આદમી છઈએ
ગયા છીએ અમે ફેંદી બધાં દફતર મહોબતનાં
કિતાબો કંઈ ઉકેલી છે, કિતાબી આદમી છઈએ
Amrutlal Laljee Bhatt, better known by his pen name Amrut Ghayal, was a Gujarati language poet.
View profile & all 9 Poems / Storiesગુજારવા છે જુલમ પણ જુલમ નથી મળતા,સિતમગરો છે ફિકરમાં સિતમ નથી મળતા.
હ્રદય તૂટી ગયું છે પણ હ્રદય-ધબકાર બાકી છે,ભલે થઇ વારતા પૂરી પરંતુ સાર બાકી છે.
હું નથી આ પાર કે તે પારનો,મુક્ત યાત્રી છું હું પારાવારનો
કેમ ભૂલી ગયા? દટાયો છું,આ ઈમારતનો હુંય પાયો છું.
એવી જ છે ઈચ્છા તો મેં આ ઘૂંટ ભર્યો, લે !છોડ્યો જ હતો કિન્તુ ફરી મીઠો કર્યો, લે !
