બ્રહ્માદિક નવ પામ્યા પાર, એમ જાણીને ખાશો માર;
અગમ અગોચર સૌને હરિ, બ્રહ્માકીટલગી માયા આવરી;
અખા હરિ જો મળનારા થાય, તો ન ગણે ઊંચનીચ રંકરાય.
કુળ અધિકાર અધ્યયન ચાતુરી, પાપીમૂર્ખ ત્યાં ન જુવે હરિ;
જેમ વાયાની વળણે લાગે લાય, પણ ડાબું જમણું ન ગણે વાય;
ત્યમ ઊંચનીચ ન ગણે નારાણ, અખા એમ ખરાખરી જાણ.
Akha Bhagat, commonly known as Akho; c. 1615 – c. 1674 or Akha Rahiyadas Soni was a mediaeval Gujarati poet who wrote in the tradition of the Bhakti movement. He wrote his poems in a literary form called Chhappa.
View profile & all 16 Poems / Storiesધર્મ સતવાદી ભીમ બળવંત, સેદેવ જોશી જાણે તંત;અર્જુન બાણાવળી નકુળ ચતુર, સાથ જેને શ્રીકૃષ્ણ હજુર;
તિલક કરતાં ત્રેપન વહ્યાં, જપમાળાનાં નાકાં ગયાં;તીરથ ફરી ફરી થાક્યાં ચર્ણ, તોય ન પહોંચ્યા હરિને શર્ણ;
જ્ઞાનદગ્ધ તે બળ્યા ઓગણા, કથતા વધતા દીસે ઘણા;વાવ્યા ન ઉગે અન્ન ન થાય, તેમ બ્રહ્મકર્મ બેઉથા જાય;
જો હરિમાર્ગે ચાલે જંત, વેશ અભિમાન શું કાઢ્યા દંત;જેમ તેમ પંથ કાપ્યાશું કામ, તો આવે હરિરૂપી ગામ;
સગુણભક્તિ મોતી ઘુઘરી, મનમોહન દીસે તે ખરી;અંતરતાપ ક્ષુધા નવ શમે, સામા મનોરથપેરે દમે;
