విలపించే ఖైదీ

ౖజెలుగోడలు

జలదరింపగ

గూబలన్నీ కలిసి కూయగ

తాచుపాములు

తలలు తిప్పగ

పెద్దగా విలపించె ఖైదీ

తెరలు తెరలుగ

వేడి ఊపిరి

కాలి గొలుసులు ఒరుసుకొనగా

రక్తమంతా

పొంగిరాగా

పెద్దగా విలపించె ఖైదీ

నడక తెలియని

నౌక మునిగెను.

ఇసుక నేలను తాకు నురగలు

పగటి ఎండకు

పగలు గవ్వలు

మిగిలి పోయెను ఆలుచిప్పలు

ఎగిరినవ్వెను

బావి చేపలు

అస్థి శకలం మట్టిగుహలో

మేత దొరకని

మృగము అరిచెను

బయటి వెన్నెల బరువు దుఃఖము

రావి ఆకులు

రాలి తడిచెను

దిశల చీకటి ఇనుప కౌగిలి

కల్లు తాగిన

ఎలుగు బెదరగ

గట్టిగా విలపించె ఖైదీ