వెనుదిరిగి చూడకు

రక్తసిక్త వదనాలు రాబందుల శిల్పాలు

చీకటి మేడలు అంతుచిక్కని కూపాలు

వెనుదిరిగి చూస్తావేం ?

పగిలిన గాజును తాకకు

గాజు కన్నును పెకలించకు

చీలిన దారులు కలిసేచోట

నిలబడకు..

విరిగిన కిరణాన్ని వికృత వెలుగును

సరిదిద్దకు..

బీటలు వారిన నేల

కన్నీరే కార్చకు

చిదమకు చీకటి మోము

వెలగవు ఏ దీపాలు

నిదురించే కొండల్ని

కోటి కోటి సెలయేటి

గలగలతో లేపకు..

వెనుదిరిగి చూడకు!!