ఇటుకలూ అటుకులూ

కమ్మంటే
నే రాను
రమ్మంటేనే
వస్తాను

అందమంటే వాళ్ళే అయినా
అందమంటే అందనివాళ్ళనీ
ఆగడాలెన్ని చేసినా
ఆగమంటే ఆగనివాళ్ళనీ
ఆడవాళ్ళంటాడు
వీడు

తమిళానికి తెలుక్కీ
అందం విషయం లోనే
ఎంతో దూరాభిప్రాయం
తెలుగులో అందమన్నామా
తమిళంలో ప్రమాదమే

సదుపాయం అంటే
అప్పుడు
శ్రుతి పేరున
ఇప్పుడు
కొత్త స్మృతి పేరున
రాజునీ, రాజ్యాన్నీ
రాజ్యాంగ సర్వస్వాన్నీ
అడుగడుగునా
కొల్ల గొట్టుకోటం
సహజీవన మంటే
అడుగునున్నవా
ళ్ళరుపులు లేకుండా
అడుక్కుంటూ
అడుక్కు, అడుక్కు
మరీ మరీ అడుక్కు
-మరీ మరీ అడక్కు-
ఉండిపోవటం

ఒడియాకీ తెలుక్కీ
లెక్కల్లో తగాదాల్లేవ్
ఒడియాలో ‘గొట్టె’ అంటే
ఒకటి
తెలుగులో ‘విరగ్గొట్టె’ అంటే
రెండు

ఇంగ్లీష్ తెలుగూ
ఒకళ్ళకొకళ్ళు తోడు
ఇంగ్లీష్‌లో ప్రాప్
తెలుగులో ప్రాపు

కనపడ్డా తొలి పుటల్లో పరిచయచయం
కవిదే నిజంగా ముందుమాట.
ఎంతటి శ్రోణీ గౌరవంతో వచ్చినా విమర్శ
పేరంటాన సృజనకే వేస్తారు పెద్ద పీట