జ్వరగీతం

అరిచేతులరికాళ్ళు చల్చల్లగా
అరలరల మెదడులో
కిరుకిర్రున తెరవబడు పొరలు తెరలు

మాగన్ను మగతలో గతాల తలపోతల్
ఏనాటి మోహాలేనాటి విరహాల్
ఈపూట ఏ వీటిమొగలో దరహాసహారాల్

గడ్డుకాలమెల్లా అటకమీద అట్టిపెట్టి
ఆనక కట్టగట్టి నట్టేట్లోకి నెట్టినట్టి
అట్టహాసపు బతుకు

గట్టెక్కక పట్టుబడక
ఒట్టిచేతుల మెట్టమాటల
మొనాటనీ గుటకల గటగట

మధ్యకుట్టులో మూతపడ్డ పుస్తకం
మిథ్యా వాస్తవ మీటలపై
వేలికొనల పలవరింతల
డ్రిప్ డ్రాప్ డ్రిప్ డ్రాప్

జంపకానా నుంచి పంకాకు
విమానాలు నావలు మూలుగు మేనాలు
చలిచీమల చేతజిక్కిన రొట్టెముక్కలాగ ఒళ్ళు
నాలుకలోంచి యమకంగా మందుగుళిక చేదు చేదు
షివర్వివరణల్లో షివర్లీ శోభిల్లకున్నచో క్షమాకీజియే