
0 Bookmarks 38 Reads0 Likes
జోరుగా వర్షం పడుతుంటే
గొడుగున్న వాడి
ధైర్యం
చలికాలపు ఉదయం
ఒంటిమీద
చన్నీళ్ళు పడ్డప్పటి
ఉలికిపాటు
జారుడుబల్ల
కిందనుంచి పైకెక్కే
పసికాళ్ళలోని
పట్టుదల
పల్లెటూరిలో ట్రాక్టర్ వెనక
అలుపెరుగక పరుగెత్తే
చిరిగిన నిక్కర్ల
అమాయక ఆనందం
ఒక్కొక్కరికే ప్రశ్నాపత్రాలు
అందిపోతుంటే
ఆఖరి బెంచీలో పెరిగే
ఆతృత
ఎక్స్ ప్రెస్ రైలు
ఆగకుండా వెళ్ళిపోతే
మారుమూల ప్లాట్ ఫాం
నిర్లిప్తత
దురదేసినా గోక్కోలేని
గోరింటాకు చేతుల
నిస్సహాయత
గాయం మానాక
పొరలు పొరలుగా చిగురించే
కొత్త చర్మంలాంటి
ఆశ
No posts
No posts
No posts
No posts

Comments