అరణ్య కవితలు's image
0 Bookmarks 50 Reads0 Likes

ఎంతదారి తప్పి
ఎక్కడెక్కడో తిరిగినా
ఎట్టకేలకు నీటి జాడ

అడవిలో మరొక సారి
తప్పిపోవాలనుంది

దట్టమైన అడవి

ఆకుల్లోంచి దూరి
లోయల్లోకి ప్రాకి
కిరణాలు తమని
ముద్దాడుతుంటే

గలగలలాడే
సెలయేటి
అలలన్నీ
వెలిగిపోతూ…

తనలో మునిగిన
ప్రతి గులకరాయికీ
ఓపిగ్గా సెలయేరు
ఒక రూపాన్నిస్తోంది

చూడ్డానికి ఒకేలా ఉన్నా
దేని అందం దానిదే!

ఏ సెలయేటిని చూసినా
ఆ గలగలలు
నాలోనూ వినిపించేవి.

కొన్నాళ్ళకి నేను
కవిత్వం మొదలు పెట్టాను

ఒకరితో
నిమిత్తం లేదు

పూస్తాయి
రాలిపోతాయి

అడవిలో పూలు.

No posts

Comments

No posts

No posts

No posts

No posts