'വേരിറങ്ങിവന്ന് പുണരുമ്പോള്‍'- മൊയ്തു മായിച്ചാന്‍കുന്ന് എഴുതിയ കവിത's image
NaN min

'വേരിറങ്ങിവന്ന് പുണരുമ്പോള്‍'- മൊയ്തു മായിച്ചാന്‍കുന്ന് എഴുതിയ കവിത

മൊയ്തു മായിച്ചാന്‍കുന്ന്മൊയ്തു മായിച്ചാന്‍കുന്ന്
0 Bookmarks 40 Reads0 Likes

 

ആറായിരം സ്‌ക്വയര്‍ ഫീറ്റ് 
വലിപ്പമുള്ള വീട്ടില്‍നിന്നും 
ആറു ഫീറ്റ് വലിപ്പമുള്ള 
വീട്ടിലേക്ക് മാറണം 

ഒന്‍പതിഞ്ച്  ഉയരമുള്ള 
മെത്തയില്‍നിന്നും 
വെറും തറയില്‍ 
കിടക്കണം 

നീണ്ടുനിവര്‍ന്നു കിടന്ന 
ശീലം മാറ്റി 
വലത് ചരിഞ്ഞു 
ഒതുങ്ങി കിടക്കണം 

ശീതീകരിച്ച മുറിയും 
സോളാര്‍ വെളിച്ചവും 
പട്ട് മെത്തയും 
വെടിഞ്ഞ്,

കൂരാകൂരിരുട്ടില്‍ 
മണ്ണിന്റെ കുളിരേറ്റ് 
മനമറിഞ്ഞ്  
കിടക്കണം 

സകലമാന 
ബന്ധങ്ങളേയും 
സകലമാന 
ശീലങ്ങളേയും വെടിയണം 

കെട്ടിപ്പൂട്ടിവെച്ച 
ഖജനാവുകളുടെ 
താക്കോല്‍ കൂട്ടവും 
പറ്റെ, വെടിയണം 

മൈലാഞ്ചി ചെടിയുടെ 
വേരിറങ്ങിവന്ന് 
പുണരുമ്പോള്‍ 
മണ്ണായ്ത്തീരണം!

No posts

Comments

No posts

No posts

No posts

No posts