వసంతభామిని

వచ్చెనదె వాసంతిక
సుధాపూర్ణ విపంచిక
చారు సుందర సీమలందున
చైత్ర భామిని ప్రభవించగ
వనములందున మనములందున
పుష్ప సంచయ ప్రహేళిక
త్వరితగతినీ తలలనూచీ
మోసులెత్తును పసరిక
రెమ్మరెమ్మకు ఆకులతికే
కొమ్మ కోరిక మీరగా
వేప గంధముతనువుసోకీ
మొగ్గదాల్చిన మల్లిక
మావి చివురులు తీరమెసవీ
కుహుకళించెను కోయిలా
తోటలందున బాటలందున
విరులు దాల్చిన తరువులై
పూవుపూవును స్పృశించు వేడుక
పరిభ్రమించే భ్రమర రవమై
మించు వేడుక నుద్యమించే
హొయల పులుగుల వేకువై
భువన మోహన
యమున విహరణ
మధుర కామన
గురుతు లెరిగిన సమయమై
జగతి కంతకు జననితానై
ఇలను జీవము నింపగా