దివ్వెలు

ఎంత చక్కటి నిదరో
అందులో అంత కమ్మటి కల
హాయిగా నిదరోతున్నట్టు

* *

రవ్వల్లే వెలిగి మలుగుతుంది దివ్వె
రవ్వంతసేపే పెదాల మధ్య
అయినా వెలుగు మిగులుతుంది

* *

తోడుగా కూచున్న పిట్ట ఎగిరిపోయింది
అంత చెట్టూ దుఃఖాన వొణికిపోయింది
నాలుగు కన్నీటి పూలు రాల్చి

* *

రాత్రంతా వసంతోత్సవం ఎవరాడారో
ఎటు చూసినా రోడ్ల పక్కన చెదిరిన రంగులు
పొద్దున్నే విచ్చుకున్న గడ్డిపూలు

* *

విశ్వం చెక్కిట
జారుతున్న వెచ్చటి నెత్తుటి చుక్క
మన భూగోళం