
0 Bookmarks 29 Reads0 Likes
వాడిక్కొంచం తేనీరు కావాలి
వాడు నాగరికుడు
వాడిక్కొంచం తేనీరు కావాలి
కూర్చున్న కుర్చీని
పెద్దమోతతో వెనక్కి తోసి లేస్తాడు
బాత్రూమ్ తలుపును
గట్టిగా తెరచి ఆపైన
ఢామ్మంటూ మూస్తాడు
వాడిక్కొంచం తేనీరు కావాలి
అడుగులు చప్పుడయ్యేలా
ఇల్లంతా తిరుగాడుతాడు
టీవీ ఆన్ చేసి
వాల్యూమ్ మామూలుకంటే
ఎక్కువ పెంచుతాడు
వాడిక్కొంచం తేనీరు కావాలి
వంటగదిలోకి వెళ్ళి
గిన్నెలు దొర్లించుతాడు
ఆ గణగణల మధ్య నిలబడి
కాసిని నీళ్ళు తాగుతాడు
వాడిక్కొంచం తేనీరు కావాలి
అయినప్పటికీ
వాడు నాగరికుడు
నిద్రపోతున్న భార్య
నిద్రలేచింది.
No posts
No posts
No posts
No posts

Comments