Context :-
There was a boy and a girl in a relationship and the girl gives a page to the boy to write anything he wants to say to the lady. The boy took the request casually at that time and keeps it somewhere and forgets. Some years down the line after they separated he finds the page and decides to write something on it.
Poem :-
Bohut dino baad kuchh mehsoos hua hain,
Apne hi ek hisse se milna hua hain,
Teri ichhah thi ki shayar ho toh kuchh likho mujhpe,
Toh aaj khudko yeh ijajat dete hun,
Hum apne jajbaton ko aaj kalam deta hun,
Yeh jo Kora kagaz hain tera diya hua, ispe sawaal kayi hain,
Inn sabka jawaab dete hain, chalo aaj tujhe teri paribasha dete hain,
Pehle hi bata deta hun mein achha likhta hun,
Aur kahani mein dard bohut hain,
Do kirdaar hain ek seedha hain ek tej bohut hain,
Kahani sunke kahi badal namm na hojaaye,
Khidkiya laga lena,
Tum sunti kam ho meri, magar kahunga darwaja laga lena
Tu sukoon thi mera, ek tijori jismein mere saari kamjoriya chippi thi,
Mein ghabra jata tha jaldi, toh tu haath thamti thi,
Puri duniya ek bheed, tujhme Puri duniya dekhta tha,
Tere bagal humesha mein khudko dekhta tha,
Tera woh mujhko dekhna aur dekhte rehna,
Meri awaaj sunke paas aa jana,
Bheed mein sirf mujhe sunna,
Mein ek vakya aur tu purna viraam thi,
Mere din ka tu subah aur tu hi shaam thi,
Tera woh mujhe sunna aur apna sunana,
Bas bolna aur bolte jana,
Kisise baat haske kiya karo,
Itna ukhde ukhde kyun rehte ho,
Mujhe daant ke samjhana,
Samjhana ki jo hoga achha hoga,
Aur phir khud hi chale jana,
Chale jana yeh kehke ki tum humaari nahi sochte,
Jo dil mein aata hain karte ho meri nahi sochte,
Itna samay lagega toh kab tak intejaar karungi,
Tum jeet ka sochte ho sirf haar ka nahi sochte,
Tum kisike saath rehne layak nahi ho,
Kamiyan bohut hain tum mein tum mere layak nahi ho,
Ab itna sab hogaya sochta hun tujhpe likhke kya karu,
Tujhe chand ya badal likhke kya karu,
Apna likhu tujhe toh kuchh dil ki baat karu,
Kya phoolon aur sitaron ki baat karu,
Tu mere aas pas ho toh Teri baat karu,
Sunane ko toh hain jajbaat kayi,
Tu puchhe, toh mein apni baat karu,
Mere bolne pe toh mera haal puchh,
Ismein sharmana kya hain,
Puchh kitna chahte ho,
Haath kaat dikha denge, ismein ghabrana kya hain,
Teri duri ka sach ab maan chuka hun,
Tere wapas aane ki umeed nahi,
Aur na chahta hun,
Tu puchhti hain kya chahta hain yeh ladka?
Zindagi ki aandhiyo mein kamjor hogyi hain nav meri,
Ab mein akele dubna chahta hun,