Sabra Karo sab hoga,
Mushkil ho jo bhi uska hal hoga,
Yeh woh dhaal hain,
Jiske haath mein ho,
Bas wahi vijaye hoga,
Aaj jo mil gaya woh achha hain,
Kal jo milega woh aur khaas hoga,
Aaj ke har dard ka jawaab,
Tumhaare naam ek sunhera kal hoga,
Thoda intejaar karna hoga,
Mein samajh raha hun dard hain,
Saansein hisaab le rahi hain kin gunaho ka pata nahi,
Sabke hisse jeet shauhrat hain, tumhaare naam kab? Pata nahi,
Itne sawaalon ka wajan liye khade ho,
Ab saansein phooli jaa rahi,
Jindagi haathon se phisli jaa rahi,
Muskuraaye huye jamana hua,
Mein samajh raha hun rahat ki khulke saansein liye jamana hua,
Khudko nashon mein behne se rok rakha hain,
Bikharna se rok rakha hain,
Intejaar karte ab thak gaye ho,
Ab haar maane ko jee chahta hain,
Rukna dost,
Ek saans aur lena dost,
Bas ek saans mein kal hoga,
Sab Jawaab liye woh kal hoga,
Ek pal mein sadiyon ka majja liye woh kal hoga,
Bas ek pal aur dost!
Apne liye nahi,
Apno ke liye karna hoga,
Tum akele nahi,
Jo haar gaye,
Toh yeh duniya mein phir waisa kya hoga
Tumse jo aas lagaye hain,
Unke paas jinne ke liye kya hoga?
Isiliye…
Kadam ladkhadaye jab,
Saath koi najar na aaye,
Tumhe saansein thaamein rakhna hoga,
Jab har karan ho bhikhar jaane ko,
Tumhe bin wajah saansein thaame rakhna hoga,
Gir gaye, aur sambhalne ko koi nahi?
Aas paas sahare ko koi nahi?
Ghabraana nahi tumhe, saansein thaame rakhna hoga,
Samay se balwaan kaun hain?
Jo gira nahi aisa kaun hain?
Magar tumhe phir udna hoga aur saansein thaamein rakhna hoga,
Jee mein sawaal hain, haina?
Itne sab se kya hoga?
Bina muskuraaye jeene se kya hoga?
Samay bada balwaan hain,
Isne sabko kaid mein rakha hain,
Udhhane giraane ka silsila isne apne haath mein rakha hain,
Apne samay pe phool khilte hain,
Apne samay pe dubta hain sooraj bhi,
Apne samay pe sabki jeet honi hain,
Aur honi hain haar bhi,
Yeh sab mausam hain jindagi ke,
Kabhi hogi dhup toh kabhi chhav bhi,
Isiliye tumhe saansein thamein rakhna hoga,
Dhairya banaye rakhna hoga,
Ek din jo aakhein khologe,
Toh kuchh yun hoga,
Badalo se chhup gaye jo sitaare,
Phir woh laut aayenge,
Ladkhada rahe hain jo kadam,
Shikhar ki daud lagaenge,
Angaan sunne pad gaye hain jo,
Phir jugnuyon se jagmagaenge,
Murjhaye huye phul phirse gul mehkaenge,
Bas tumhe saansein thaame rakhna hoga,
Dhairya banaye rakhna hoga,