पिया परदेसियाँ
परदेसां थां ग्या,
पियाजी......!
पियाजी थांरी....
पल-पल याद सतावै
हिवड़ौ भर-भर आवै
पिया परदेसियाँ !
पिया परदेसियाँ !
पियाजी थां तौ....
म्हारै मूंडै री मुसकान
थांरा करुँ म्हैं गुणगान
पिया परदेसियाँ !
पिया परदेसियाँ !
पियाजी थां तौ....
म्हांरी आँख्यां रा काजळ
आँख्यां भरी उडीक
पिया परदेसियाँ !
पिया परदेसियाँ !
पियाजी थां तौ....
म्हारै हिवड़ै रा हार
म्हारै अंतस रा उजास
पिया परदेसियाँ !
पिया परदेसियाँ !
पियाजी म्हैं तौ....
जद-जद थांरी छिब देखूँ
म्हांनै थांरी याद सतावै
पिया परदेसियाँ !
पिया परदेसियाँ !
पियाजी....
प्रेम दिवस पूगौ आय
म्हांनै थांरै आवण री उडीक
पिया परदेसियाँ !
पिया परदेसियाँ !
✍ SheelaS