आय चुनाव बटत बाटै, भइया लैट्रिंग औ पट्टा
पूर्व प्रधानन सब देखा, अब होइ गयेन आज इकठ्ठा ।।
पाँच साल परधान रहेन, न एइ विकास कुछ लायेन
जब दुखिया द्वारे पय आइस, ओहका डाट भगाएन ।।
वोट नहीं तू देहे अहा, बोलब्या तव मारब चट्ठा
पूर्व प्रधानन सब देखा, अब होइ गयेन आज इकठ्ठा ।।
करत प्रचार की रहेन कहे, कक्कू बाटे हम तव एवन
अगर सुना जौ जीत गये तव, गाँव बनाउब नंबर वन ।।
गाँव सजा न लेकिन घर, कुल इनकय बनिगा पक्का
पूर्व प्रधानन सब देखा, अब होइ गयेन आज इकठ्ठा ।।
बोलेन एइ, विकास कय आँधी, गली-गली दौड़ाउब
हर कोलिया औ टोला मोहल्ला, लाइट पोल लगाउब ।।
पोल लगा न गली में भइया, आँख भइल भौचक्का
पूर्व प्रधानन सब देखा, अब होइ गयेन आज इकठ्ठा ।।
जीत चुनाव, बनेन जव मुखिया, असली रंग दिखाएन
एकठी राशनकार्ड के खातिर, बीस बार दउड़ाएन ।।
कार्ड बना नहीं लेकिन एइ, लइ लेहेन पूरा पइसा
पूर्व प्रधानन सब देखा, अब होइ गयेन आज इकठ्ठा ।।
कुछ महीना बीत तव, झाँसाराम जी रंग मा आएन
सड़क किनारे पट्टा देबय, बोल के पइसा खायेन ।।
सरकारी रुपिया अस भाइस, चलय लट्ठ औ कट्टा
पूर्व प्रधानन सब देखा, अब होइ गयेन आज इकठ्ठा ।।
न कुछ करेन विकास मगर, हुड़दंग मचाएन ज्यादा
ऊसर, बंजर कब्जा खातिर, हरदम रहेन अमादा ।।
जब केहू कुछ कहय तव ओहका, देंय गाली अलबत्ता
पूर्व प्रधानन सब देखा, अब होइ गयेन आज इकठ्ठा ।।
पूर्व प्रधान कय सोच बा गंदी, बिन पेंदी कय लोटा
इनके बहकावे न आवा, मुख मा करिखा पोता ।।
चोर-चोर मौसेरे भाई, जैसेन पान औ कत्था
पूर्व प्रधानन सब देखा, अब होइ गयेन आज इकठ्ठा ।।
अबकी बार नया चुनिए, सबसे उत्तम चुनिए
अपना नहीं, सुना दादी, बच्चों का भविष्य चुनिए ।।
ऐसेन होई विकास 'सनम', आए खुशियों की सत्ता
पूर्व प्रधानन सब देखा, अब होइ गयेन आज इकठ्ठा ।।
-------Written By-----
--(Shashank Mani Yadava 'सनम'-